شیکاری دەنگی چییە و بۆ کێ پێشنیار دەکرێت؟

هەر کەسێک لە مێشکیدا خۆی بە جۆرێ وێنە ئەکا. بیرۆکەی هەموو مرۆڤێک لەبارەی جەستەی خۆیەوە بەشێکە لە خۆئاگادارییەکەی. ئەم بیرۆکەیە لە ئەنجامی فیدباکەکانی کەسانی دەوروبەرە، بینینی خۆمان لە ئاوێنەدا یان شێوازی دەرکەوتنمان لە وێنە و ڤیدیۆکاندا دروست دەبێت. تێکەڵبوونی ئەم بیرۆکانە لە مرۆڤدا دەبێتە هۆی تێگەیشتنێکی تاڕادەیەک قبوڵکراو لە جەستە و فیزیا. ئەم وێنەیە هەندێک جار لە منداڵاندا دووچاری کێشە دەبێت. بەتایبەت ئەو منداڵانەی کە بە دەگمەن خۆیان لە ئاوێنەدا یان لە فیلم و وێنەکاندا دەبینن. هەروەها لە تەمەنی هەرزەکاریدا، کاتێک گەشەی جەستەیی زۆر خێرا دەبێت، ئەم وێنە زیهنیە و خۆئاگایی جەستەیی دووچاری کێشەوە دەبن و پێویستیان بە چارەسەرە.  

هاوشێوەی وێنەی دەروونی بۆ جەستە و ڕواڵەت، مرۆڤ وێنەیەکی دەروونی-جیهنی بۆ ڕەفتار و توانا و قسەکردنی هەیە. یەکێک لە وێنە گرنگەکانی مرۆڤ سەبارەت بە خۆی پەیوەندی بە دەنگەوە هەیە. مرۆڤەکان وێنەیەکی دەروونی لە دەنگی خۆیان هەیە. ئەم وێنەیە دەرئەنجامی فیدباکەکانی کەسانی دەوروبەرت و تا ڕادەیەک فیدباک و بیستنی دەنگی خۆتە لە ڕێگەی گوێ و ئێسکی کەللەسەرەوە. هاندەرە کاریگەرەکانی وەک ئاوێنە و وێنە و فیلم وێنەی فیزیکیمان بۆ خۆمان دەردەخەن و ڕاستیان دەکەنەوە. بەڵام بەداخەوە ئەم بابەتە بۆ دەنگ ڕوونادات.

کەم کەس هەیە ڕۆژانە گوێ لە دەنگی تۆمارکراوی خۆی بگرێت و زۆربەی تێڕوانینەکانمان بۆ دەنگی خۆمان دەرئەنجامی فیدباکەکانی کەسانی دیکەیە. هەر لەبەر ئەم هۆکارە زۆر کەس هەستێکی نامۆ و زۆرجار ناخۆشیان دەبێت کاتێک دەنگی خۆیان دەبیستن. باشترین شت بۆ چارەسەرکردنی ئەم کێشەیە لە هەنگاوی یەکەمدا ئەوەیە کە بە شێوەیەکی پیشەیی شیکاری دەنگی یان ئانالیزی دەنگە. بەم جۆرە بەرزی و فرێکوێنسی دەنگەکە و تایبەتمەندییەکانی دەردەکەوێ. دەنگ تایبەتمەندی خۆی هەیە کە دەتوانرێت بە ئامرازە تایبەتمەندەکانی شیکاری دەنگی بپێورێت. 

بۆ نموونە تێکڕای فرێکوێنسی دەنگ لە پیاوان نزیکەی ١٢٠ هێرتز و لە ئافرەتان ١٩٠ هێرتزە. بێگومان فرێکوێنسیی دەنگ لە نێوان مرۆڤەکانی هەر ڕەگەزێکدا جیاوازە. فرێکوێنسی دەنگ هەمان تایبەتمەندیە کە بە دەنگی نزم یان مێینە و دەنگی باس یان نێرینە ناوی دەبەن. زۆر پیاو بە گلەیی دەنگی ژنانە دێنە لامان. لە لایەکی ترەوە ژن هەیە کە گلەیی لە دەنگی باسی پیاوانەی خۆی دەکات و ئەیەوێت دەنگی خۆی بگۆڕن بۆ دەنگی ژنانەتر. 

ئەم کێشەیە لە هەرزەکاران و بەتایبەت کوڕانی هەرزەکاردا زۆرترە. گۆڕانکاری و زەقبوونەوەی دەنگ زۆر بە خێرایی لە کاتی هەرزەکاری و باڵغبووندا ڕوودەدات. هەر بەم هۆیەشەوە هەرزەکارەکە ناتوانێ وێنەدەنگ گی دەروونییەکەی سەبارەت بە دەنگی خۆی ڕاست بکاتەوە و وێنە نوێیەکە لە شوێنیدا بگۆڕێت. لە هەندێک حاڵەتدا تەنانەت کەس و کار، دەنگی نوێی هەرزەکارەکە قبوڵ ناکەن. ئەم کێشەیە دەبێتە هۆی پێداگرییەکی زۆر لەسەر پاراستنی دەنگی پێشوو، ئەمەش گرفتی فالسێتۆ یان پیۆبارفۆنیا دروست دەکات.

لە هەمان کاتدا کەسانێک هەن لە کوالیتی دەنگیان ڕازی نین و پێیان وایە دەنگیان گۆڕاوە یان گیراوە. دەنگ نووسان و گیرانی دەنگ و نزمی کوالیتی دەنگ و تێکچوونی دەنگ هۆکاری جیاوازی هەیە. لە هەندێک حاڵەتدا کێشە و نەخۆشی و کشکشێ و دەنگەژێکان هۆکاری ێکچوونی دەنگ یان نووسانی دەنگن. بەڵام لە زۆر نەخۆشدا، دەنگ نووسان یان گیرانی دەنگ لە ئەنجامی کێشە و نەخۆشی کشکشێ و دەنگەژێکان روو نادا. یەکەم هەنگاو بۆ دەسنیشان کردنی کێشەکە شیکاری دەنگییە. لە کلینیکی زاگرۆس لە کرماشان شیکاری دەنگی بە باشترین و نوێترین کەرەستەی تایبەتمەند لەم بوارەدا ئەنجام دەدرێت.