کلینیکی زاگرۆسی کرمانشان لە ساڵی ٢٠٠٨ دەستی بە کار کردووە. لە ماوەی ئەم چەند ساڵەدا خزمەتگوزاری بەنرخمان پێشکەش بە هاوڵاتیانی پارێزگاکانی کرمانشان، سنە، ئیلام، لوڕستان، هەمەدان و سەردانیکەر لە وڵاتی ئێراقەوە کردووە. ئێمە ئەزمونێکی زۆرمان هەیە لە خزمەتگوزاری و دیاریکردنی نەخۆشی و پشکنینی جەستەیی ورد و دەرمانی کاریگەر لە چارەسەری نەخۆشیەکانی دەنگ و قورگ, چارەسەری گەشە، تواناپێدانەوەی بەتەمەنەکان وە باشتر کردن و گەشەی تواناکانی مێشک. 

بەرنامەی چارەسەری رێک و هەڵسەنگاندنی توانای لەش بە پێکهاتەیەک لە ڕیکارە زانستیە کلاسیکیەکان و زانستی نوێ، لە ژێر چاودێری پسپۆری مێشک ئەنجام دەدرێت لەگەڵ تیمێکی بە ئەزموونی دکتۆر و پسپۆری چارەسەری قسەکردن و پسپۆری دەرووناسی. شێوازی چارەسەری ئێمە بۆ هەر کەسێک بەپێی بارودۆخ و حاڵەت و تواناکان و هەستی هەر نەخۆشێک جیاوازە.

ئێمە هەست بە ئازارەکامی ئێوە دەکەین و سەرمایەی ئێمە لەم کارە ئەزموون و بەڵینەکانمانە بە نەخۆشەکانمان. لە کلینیکەکەی ئێمە نەخۆش چیتر دودڵ نامێنێت لەسەر نەخۆشیەکەی. ئێمە ڕوونکردنەوەی پێویستی بێ کەم و کوڕی لە حاڵی ئێستا و داهاتووی نەخۆشەکە بە مافی کەسەکە دەزانین. بەڵێنمان بۆ نەخۆشەکانمان ڕاستگۆی و لەگەڵ بوون و هاوخەمی و چارەسەری گونجاوە. ئومێدی ژیانێکی باشتر بە نەخۆش و خێزانەکەی زیندوو ئەکەینەوە.